十一月二十日。
那一夜，星期五，蘭桂坊如常的人山人海。我看一看手錶，凌晨兩點正。
「好啦，差唔多，要返屋企啦。我無你地兩個咁好精力，哈。下次再玩過啦。」
友人看似是想去下場。報稱從沒去clubbing的她們，今日是想見識更多吧。
「哈，哎呀，我對腳好痛啊，俾我返屋企啦。」沒有喝很多，穿著高跟鞋的我，一心只想回家。「都去左好多間club啦，下次再玩過啦。」目送兩位朋友離開後，走到蘭桂坊「忘命斜」的十字路口，想早點回家就不得不兜搭那些蓋了旗的的士。
「大圍去唔去？」
「行西隧。」
「下，哩到近紅隧多尐喎。」
的士大佬想了一下，「加五十啦。」
「好。」
車廂裡很寧靜，but my thoughts were louder
than ever.
「師傅，你揸的士揸徂幾多年啦？」
「揸徂十幾廿年，咩未見過。」
「咁咪好多故事聽？講尐黎聽下啦，我寫劇本架。」的士大佬望一望倒後鏡。
「你唔似喎。」
「正職金融，副業寫劇本。啱啱失戀，講尐黎聽下啦。」
「你咁靚女唔使驚啦。」
「咁佢都靚仔嘅。」
「你話佢靚仔即係你都仲未放低啦。」
「…」
「如果一個禮拜就放得低，咁個尐就唔係鐘意啦…」
「唔好講我個尐啦。有無尐好爆既故事講黎聽下。」
「都有嘅。你知我地哩尐車開中環客既，通常都係車佢地去維多利亞，灣仔個尐架啫。哇吓，點知有晚車個pair一上車就問我開價幾多錢咁喎。」
「咩話？」
「係啊。佢地問：『司機，我地係哩到，你開價幾多錢？』。」
「哇，咁你開幾多錢。」
「二千。」
「哇，咁係唔係要車佢地上飛峨山？」
「我兜徂西隧來回兩次，仲上埋個青馬大橋。」
「哇，但係…點揸啊，focus唔到架喎。」
的士大佬笑了一笑。「我有咩未見過。擰到個倒後鏡睇唔到，開大聲尐音樂繼續揸。」
「哈。跟住呢？」
「你估佢地最後去邊。」
「各自返屋企啦係咪？」
「你勢估唔到。哈，佢地話返蘭桂坊。」
「哇，咁勁。」
「係囉。再戰咁話。佢地落徂車之後，我特登落車睇下張櫈乾唔乾淨，如果唔係第二個客坐上黎唔知點。」
「哈哈。」
「落車個時個男仔仲好似意猶未盡，想問個女仔攞電話。你估個女仔講咩？」
「唔知喎。講咩啊？」
「佢女仔話，你識唔識遊戲規則架，你係蘭桂坊再見到我都扮見我唔到咁喎。」（葉念琛尐戲原來係真架！？）
「！」
「個女仔靚唔靚架？」
「上徂少少年紀，不過都靚架。個男仔睇落細個女仔少少。最後仲係個女仔俾錢添。」
「哇，我無想過有女仔會講得出個尐說話。」
「依家時代唔同徂啦。」
「係囉。」
「不過，都唔及有一次。」
「師傅，你有尐再爆尐既。」
「有一晚，都仲好早，我無蓋旗，無lock門，係蘭桂坊條斜路揸落黎。有個女仔跳上車，上車個時都仲清醒嘅。」
「一上車就『司機～』咁叫我。我擰轉頭一望，哇，心想大鑊啦今次。」
「點解？」
「個女仔擘大對腳，入邊無着。」
「！」
「係啊。好彩佢上車個時仲清醒，話車佢返上水。咁咪車佢返上水囉。佢哩尐又係，玩到連底褲都唔記得拎。」
「hmmm，可能直頭無着落去呢。靚唔靚女架？」
「過得去啦。」
「唔。」
「唉，最後車到返上水先死。個女仔不省人事，我又唔掂得佢架嘛，唔係佢一陣醒徂，話我非禮佢咁點。」
「咁最後點啊？」
「好彩個時附近有架巡邏警車，又咁啱車上面有個madam，一黎就幫個女仔拍返埋對腳先，跟住睇下佢電話，打俾佢屋企人叫佢地黎接個女仔，不過你勢估唔到個女仔阿媽講尐咩。」
「講咩？」
「個女仔阿媽話，『司機你真係好人啦，車佢返黎又無搞佢。試過幾次俾人攞晒尐野，掉低佢係路邊一二邊。』。」
「唔係啊嘛…」我皺一皺眉。
「真係咩未見過。好彩我夠定力咋。」
「我真係picture唔到個阿媽點講得出個尐說話。」
差不多到家了。
「你尐故事真係可以寫做舞台劇。」
「你唔會真係寫啊嘛。」他從倒後鏡看一看我，語帶點緊張。
「會有人想睇嘅，不過無咩substance囉。」司機幹嘛傾了一程車先開始擔心我會寫出來，哈。
到家了。
「見你失戀，計平尐你啦。」（收多徂五十，唔計我零頭，平徂兩蚊。哇，多謝晒喎。）
「多謝。」我接過找續。
下車前一刻，的士司機轉個頭，由頭到腳瞄一瞄我。
「你咁靚女，唔好係蘭桂坊飲醉酒啊。」
「梗唔會，咩地方。」
不寒而慄。
趕快跳落車，想起五年前寫過一篇《紅酒，的士，黃街燈》。
太陽底下無新事。
無底線不是新鮮事。
Why so serious?
Seriously, but why?
