【序】
（燈亮，極暗）
（台中放置兩張高級餐廳的二人桌，一邊的白色桌布上染有潑過紅酒的污積，地上有一隻碎了的玻璃酒杯和一塊餐巾掉在地上。其中一張二人桌的椅子反轉了。看不清楚女人的臉，有一半的身體給餐桌的長桌布擋著了，但她躺在地上，背對觀眾，動也不動。）
（燈滅）
【第一場】
（高級餐廳，兩張二人桌在台中。不是特別浪漫的餐廳，但到訪用餐的都是對生活有要求的人。正值晚膳時間，餐廳很靜。）
（穿著西裝的侍應步入，走到二人桌檢查著桌上的餐具是否齊全。背景播著悠閒的爵士音樂，似是一個平凡的黃昏。侍應地點好桌上的餐具、餐巾、酒杯。侍應步出。）
（未幾，侍應帶著一男一女走進餐廳，面帶微笑。他身後的女子穿著四吋高跟鞋，卻走得不太自然，一條深酒紅色的長裙，有點緊身，不會太浮誇。手上拿著一個沒有牌子的黑色漆皮手袋。走向餐桌時左右望一望周圍的環境，似是怕撞到熟人。）
（女子身後的男人穿著深藍色西裝，一眼就知道是度身訂做的。金色Cufflink，左手戴著結婚戒指。）
（侍應示意他們就坐，幫女人拉一拉椅子，女人坐下。男人自己拉椅子，亦坐下。）
（侍應分別幫他們打開餐巾，鋪到他們的大脾上。微笑然後離開。）
（男人望著女人微笑。女人靦腆地笑。）
男人：Hello.
女人: Hi.
男人：第一次？
女人：第一次？
男人：（指一指二人）恁樣。
（女人搖頭）
男人：唔係？
女人：…可能係…我唔知點講。（勉強地笑）
男人：唔慣？
女人：唔…
男人：我見你一入來就周圍望。
女人：哩到好靚，it’s really pretty. 所以望多兩眼。
男人：我成日黎，就係鐘意哩到既環境，尐侍應永遠野都唔會同你講多句，最好，唔好煩。
女人：你成日黎？
男人：（弄一弄餐巾）唔。
女人：噢。我唔見佢地同你打招呼。
男人：hmmm?
女人：通常尐餐廳都會咩生前咩生後。
男人：哩到又唔係中式酒樓。
女人：啊。
男人：況且，我份人鐘意低調。同哩到既裝修設計一樣。低調，但要有class.
女人：有class…
男人：即係有要求。
女人：（望一望餐廳周圍）哩到恁靚，有邊個會唔鐘意。一定係有taste既人先會黎既地方。
男人：有taste？
女人：係。
男人：你算唔算係間接恁讚緊自己？
女人：哈，我無特別意思。
男人：但聽者有意。
（女人笑而不語）
男人：死啦。飯都未食就落晒閘。神女無心，襄王有夢。
女人：（笑）多謝。
男人：噢？
女人：你讚我神女喎，講多謝好正常。
男人：唔代表你見工成功架bor。
女人：係。
（二人望著對方）
女人：我希望你無睇錯。
男人：放心，我好少揀錯。
（侍應拿著餐牌與wine list，遞給男人與女人）
侍應：兩位今晚打唔打算飲尐酒。
男人：（望著女人）你想唔想飲？
女人：我可以…飲少少。
男人：（向侍應）你幫我揀，你知我平時鐘意飲邊幾隻紅酒架啦。
侍應：係。
男人：今晚。（眼尾望一望女人）我想飲隻淳尐，full body既。
侍應：無問題。今晚menu需要介紹嗎？
男人：唔使啦。（示意侍應離開。）
（侍應點頭微笑離開）
男人：（上下打量女人）我鐘意女人著高跟鞋，但如果著得唔舒服嘅，我情願你唔著。
女人：（望一望高跟鞋）啊，新買所以可以有尐唔係幾舒服。
男人：又或者，我唔介意幫你除著佢。
女人：除著佢恁我著咩。
男人：唔著囉。
女人：你就想。
（男人觀察女人的反應）
（女人笑而不語，回避眼神）
女人：（低頭望餐牌）你成日黎，有無尐好介紹？
男人：今晚想食咩。
女人：好食既我都鐘意。
男人：要我估下嘛。
女人：襄王恁快估到我諗咩，應該知我想食咩。
男人：通常我都會叫牛扒。
女人：（扁嘴）人地戒徂牛好耐lu。
男人：（看著女人的臉）唔怪得皮膚恁好。
女人：（笑）Thank you.
（燈光一轉）
（此時，侍應帶著另一對男女走進餐廳。女子身穿男色lace緊身裙，腳踏一對男色紅底的Christian
Louboutin自然地走著，手挽Chanel手袋。身後的男人身穿恤衫西裝，有點不稱身，男人顯得很不自然，有點緊張，樣子似是徹夜未眠。）
（侍應幫二人鋪上餐巾後便離開。）
（兩張二人桌相隔不太遠，但有一定的距離，不會輕易的聽到對方的對話。）
（侍應回到桌子，遞上餐牌與wine list）
女子：飲唔飲酒？
男子：哈，哩到有無啤酒。
女子：（遞回wine list）幫我地開支house
wine得啦。
侍應：紅酒、白酒？
女子：紅酒啊，唔該。
男子：開一支？
女子：有問題？
男子：我一陣仲要搭船返屋企，我驚我飲得太多會係船到嘔。
女子：你塔徂恁多年都仲會暈船浪？
（男子不語）
女子：（向侍應）開一支，唔該。
侍應：係。
女子：我地再睇個餐牌。
（侍應點頭）
男子：唔該。
（女子專心地看餐牌。男子看一看餐牌又看一看女子。女子沒有抬頭。）
男子：我揀好啦。
女子：食咩啊。
男子：你幫我揀尐無海鮮既就得架啦。
女子：我仲以為你睇得明個餐牌。
男子：你幫我揀咪得囉。（吞一吞口水）
女子：ok.
（女子再看一看餐牌，終於抬頭。）
女子：今餐係唔係你請？
男子：梗係。
女子：哇，你近排賺大錢？
男子：唔係…
女子：定係贏徂好多？
男子：無啦……總之想食咩就叫啦。
女子：你又會識揀黎哩間餐廳。
男子：我叫你facebook成日黎哩間，估你一定好鐘意哩到。
女子：（笑）哇，我今日行緊咩好運，你居然帶我黎高級餐廳，仲話要請我食飯。
男子：你上個月生日我地無同你慶祝，當補數。
女子：我仲以為你忙到連我都唔記得。
（男子不語）
女子：得啦。知你又要返工，又要湊B好忙。
（男子皺一皺眉）
（侍應再次回到兩姊弟的桌子，幫二人落單）
（女子抬頭，開始落單）
（燈暗）
沒有留言:
張貼留言